road crash

لالہ موسیٰ(جمیل احمدطاہر)لالہ موسیٰ تادلانوالہ روڈ ٹوٹ پھوٹ کا شکار،اس سلسلہ میں ملنے والی اطلاعات کے مطابق لالہ موسیٰ سے دلانوالہ جانے والی سڑک خستہ حالی کی آخری حدوں کو چھورہی ہے ،سڑک میں جابجاپڑے ہوئے گڑھے اس قدرگہرے ہوچکے ہیں کہ اس میں گاڑی کا ٹائرآتے ہی مسافروں کو احساس ہوتاہے کہ جیسے وہ کسی کنویں میں گرپڑے ہیں،سڑکی کی خستہ حالی سے روڈ پرچلنے والی گاڑیاں،موٹرسائیکل تباہ ہوچکے ہیں ،جبکہ حادثات معمول بن چکے ہیں،اہل علاقہ خصوصاً سیدوقارحسین شاہ آف سپراء نے کہاکہ الیکشن میں بلندوبانگ دعوے اور وعدے کرنے والے عوامی نمائندے اقتدارملنے کے بعدعلاقہ کی طرف دیکھنابھی گوارہ نہیں کیا،انہوں نے ڈی سی او گجرات لیاقت علی چٹھہ سے پرزورمطالبہ کیاہے کہ لالہ موسیٰ دلانوالہ روڈ کی تعمیرکیلئے ہنگامی اقدامات کئے جائیں۔