district Nankana Sahib

ننکانہ صاحب(محمد قمر عباس)گورنمنٹ پرائمری سکول بڑا گھر کے طالب علم فیض رسول نے پنجاب ایگزامینیشن کمیشن کے تحت کلاس پنجم کے امتحانات میں 465 نمبر حاصل کر کے ضلع بھر میں چوتھی اور تحصیل ننکانہ صاحب میں پہلی پوزیشن حاصل کی ۔اس شاندار کامیابی کی خوشی میں گورنمنٹ پرائمر ی سکول بڑا گھر میں ایک تقریب کا انعقاد کیا گیا جس میں مسلم لیگ ن کے رکن صوبائی اسمبلی رانا جمیل حسن المعروف رانا گڈ خان ،اسسٹنٹ ایجوکیشن آفیسر مرکز بڑا گھر اللہ دتہ ،چیئر مین یونین کونسل بڑا گھر رائے امجد حیات ،پروفیسر ذکی چوہدری اور امین حنیف سمیت دیگر اساتذہ اور والدین کی کثیر تعداد نے شرکت کی ،تقریب سے خطاب کرتے ہوئے ایم پی اے رانا جمیل حسن گڈ خاں نے کہا کہ اس شاندار کامیابی پر سکول کے اساتذہ ، انتظامیہ طالب علم اور اس کے والدین مبارکباد کے مستحق ہیں جنہوں نے تمام تر مشکلات اور محدود وسائل کے باوجود اتنی شاندار کامیابی حاصل کی ،امید ہے کہ سکول کے اساتذہ اور طلباء محنت کرنے کا یہ سلسلہ جاری رکھتے ہوئے مستقبل میں مزید کامیابیاں حاصل کریں گے