Cynd knuckles burned

ننکانہ صاحب(محمد قمر عباس)چینڈ پور شریف میں بجلی کا ٹرانفارمر جل گیا ،علاقہ میں بجلی 15 روز سے بند،واپڈا اہلکاروں نے مرمت کے لئے 40 ہزار روپے مانگ لئے ،متاثرہ افراد کا وفاقی وزیر پانی بجلی سے نوٹس لینے کا مطالبہ تفصیلات کے مطابق نواحی گاؤں چینڈ پور شریف میں بجلی کا ٹرانسفارمر 15 روز قبل جل گیا گیا تھا جس کی وجہ سے آدھے سے زیادہ گاؤں کی بجلی بند ہو گئی ،15 روز سے مسلسل بجلی بند ہو نے کی وجہ سے دیہاتیوں کو مشکلات کا سامنا کرنا پڑ ہا ہے ،گھروں میں خواتین اور بچے پانی کی بوند بوند کو ترس گئے ہیں ،دیہاتیوں محمد اعظم ڈوگر،احمد رضا ،علی اکبر اور دیگر نے بتایا کہ ٹرانسفارمر کی مرمت کے بارے جب واپڈا سب ڈویژن بڑا گھر اہلکاروں سے رابطہ کیا گیا تو انہوں نے ٹرانسفارمر کی مرمت کے لئے مبینہ طور پر 40 ہزار روپے مانگ لئے ۔انہوں نے بتایا کہ اہل دیہہ نے اس سے قبل بھی دو مرتبہ ٹرانسفارمر کی مرمت کے لئے واپڈا اہلکاروں کو ہزاروں روپے دیئے تھے ۔انہوں نے صورتحال پر شدید احتجاج کرتے ہوئے وفاقی وزیر پانی و بجلی خواجہ محمد آصف سے فوری نوٹس ،ٹرانسفارمر کی مرمت اور ذمہ دار واپڈا اہلکاروں کے خلاف کاروائی کا مطالبہ کیا ۔اس بارے جاننے کے لئے ایس ڈی او واپڈ ا سب ڈویژن سے رابطہ کرنے کی کوشش کی گئی مگر ان سے رابطہ نہ ہو سکا ۔