Atif Mujahid

پیرس (عمیر بیگ)عمران خان کی تحریک ملک سے کرپشن کے خاتمے کے لئے ہے ،نوازشریف اور حسین نواز ملک سے کیوں فرار ہورہے ہیں ،جب بھی نیب نے آزادنہ تحقیقات کیں تو پنجاب میںکرپشن کے غیر معمولی انکشافات سامنے آئے۔پنجا ب میں راتوں رات امیر ہونے والوں کے پا س پیسہ کہاں سے آیا؟ اس بارے میں فوری تحقیقات کی جائیں۔ان خیالات کااظہارپی ٹی آئی فرانس کے رہنما عاطف مجاہد نے یس اُردو سے کیا۔ انہوں نے کہاکہ پل اور سڑکیں تعمیر کرکے گڈ گورنس کا نعرہ لگانے والوں کی حقیقت عوام کے سامنے آچکی ہے ،مسلم لیگ ن میڑوبس اور اورنج لائن ٹرین کے منصوبوں کو اپنی کارکردگی قرار دے رہی ہے جبکہ ان منصوبوں سے عوام بہت زیادہ مشکلات کا شکار ہو ئے ہیں۔