Ali celebrates birthday

ننکانہ صاحب(محمد قمر عباس)یوم ولادت حضرت علی ؑ ننکانہ صاحب میں انجمن جعفریہ رجسٹرڈ سٹی ننکانہ کے زیر اہتمام منایا گیا ۔ تفصیلات کے مطابق یوم ولادت حضرت علی ؑ ننکانہ صاحب میں انجمن جعفریہ سٹی ننکانہ کے زیر اہتمام جوش و خروش کیساتھ زیر صدارت پیر سید ابر ار حسین شاہ منایا گیا جس میں انجمن جعفریہ رجسٹرڈ سٹی ننکانہ کے سر پرست اعلیٰ ارشد علی بٹ ، جنرل سیکرٹری عدیل قمر ایڈووکیٹ ، لیگل ایڈوائزر سید عمران حیدر زیدی ، سیکیورٹی انچارج ڈاکٹر قمر حسین اور سیکیورٹی ممبر محمد قمر عباس کے علاوہ سینکڑوں مومنین اکرام نے شرکت کی اس سلسلہ میں کیک کاٹنے کی تقریب بھی منعقد ہوئی جس میں انجمن جعفریہ کے تمام عہدیداران نے شرکت کی امام بارگاہ قصر فاطمۃ الزہرہ ؑ کو اس مبارک دن کے موقع پر رنگ برنگی جھنڈیوں اور برقی قمقوں سے سجایا گیا اور پر مسرت موقع پر بچوں نے بھی اس خوشی میں حصہ ڈالتے ہوئے امام بارگاہ میں مٹھائی تقسیم کی جس میں تمام مومنین اکرام نے شرکت کرکے بچوں کی حوصلہ افزائی کی قبل ازیں مختلف مقامات پر جشن مولود کعبہ کے سلسلہ میں محافل کا انعقاد ہوا جس میں علماء و ذاکرین نے مولا ئے کائنات حضرت علی ؑ کی سیرت طیبہ پر مفصل روشنی ڈالتے ہوئے ان کو خراج عقیدت پیش کیا۔