Quetta doctors strike

ہسپتالوں میں مریضوں کو شدید مشکلات کا سامنا ، ہڑتالی ڈاکٹروں سے معاملات نمٹانے کیلئے سیکرٹری ہیلتھ نہیں آج مذاکرات کیلئے بلوا لیا
کوئٹہ (یس اُردو) کوئٹہ کے سرکاری ہسپتالوں میں ینگ ڈاکٹرز کی مطالبات کے حق میں 8 ویں روز بھی او پی ڈیز میں 2 گھنٹوں کی ٹوکن ہڑتال جاری ، ہڑتال کے باعث مریضوں کو دشواری کا سامنا ہے ۔ کوئٹہ کے سول ہسپتال ، بی ایم سی ہسپتال اور دیگر ہسپتالوں میں ینگ ڈاکٹرز اپنے مطالبات کے حق میں 8 ویں روز بھی صبح 9 سے 11 بجے تک دو گھنٹوں کی ٹوکن ہڑتال کر رہے ہیں جس کے باعث او پی ڈیز میں روزانہ آنے والے ہزاروں مریضوں کو مشکلات سے دوچار ہونا پڑتا ہے ، ینگ ڈاکٹرز کا کہنا ہے کہ وہ عوام کے مفاد کے لئے لڑ رہے ہیں کیونکہ ہسپتالوں میں مریضوں کے لئے سہولیات کا فقدان ہے ۔ دوسری جانب لاہور کے سرکاری ہسپتالوں میں آج دوسرے روز بھی او پی ڈییز بند ہیں ، سیکرٹری ہیلتھ نے ہڑتالی ڈاکٹرز کو ہڑتال ختم کرنے کے لئے مذاکرات کے لئے بلا لیا ۔ لاہور کے سرکاری ہسپتال میں آج دوسرے روز بھی ینگ ڈاکٹرز اپنی ہٹ دھرمی پر قائم ہیں ۔ شہر بھر کے سرکاری ہسپتالوں میں او پی ڈیز بند ہیں ۔ دور دراز اور لاہور سے آنے والے مریضوں کا کوئی پرسان حال نہیں ۔ ہڑتالی ڈاکٹروں سے معاملات نمٹانے کے لئے سیکرٹری ہیلتھ نے انہیں مذاکرات کے لئے بلا لیا ہے ۔