Biden met Haider

امریکی نائب صدر جو بائیڈن غیر اعلانیہ دورے پر عراق پہنچ گئے۔ عراقی وزیر اعظم حیدر العبادی سے ملاقات میں داعش کے خلاف لڑائی میں مکمل حمایت کی یقین دہانی کروائی۔
بغداد: (یس اُردو) امریکی میڈیا کے مطابق نائب صدر کے اس دورے کا مقصد سیاسی بحران کو حل کرنے میں عراقی رہنماؤں کی مدد کرنا ہے جس کے باعث داعش کو شکست دینے کی کوششیں خلل کا شکار ہو رہی ہیں۔ بغداد میں وزیر اعظم حیدر العبادی سے ملاقات میں انہوں نے عراقی رہنماؤں کو متحد ہو جانے پر زور دیا۔ سیاسی اصلاحات کے لیے ہونے والے حالیہ احتجاجی مظاہروں اور مطالبات نے بغداد حکومت کو مفلوج کر کے رکھ دیا ہے۔ صدر براک اوباما نے داعش کے خلاف لڑائی میں مدد کے لئے گزشتہ ہفتے مزید ڈھائی سو فوجی عراق بھجوانے کا اعلان کیا تھا۔