funded: Chandio

مشیر اطلاعات سندھ مولا بخش چانڈیو کا کہنا ہے کہ قوم کے پیسوں سے بنائے جانے والے منصوبوں پر سیاست نہ کی جائے۔ سڑکیں اور پل بنا کر عوام پر احسان جتایا جا رہا ہے۔
کراچی: (یس اُردو) وزیراعظم نواز شریف کے خطاب پر ردعمل کا اظہار کرتے ہوئے مشیر اطلاعات سندھ مولا بخش چانڈیو کا کہنا تھا کہ سی پیک نون لیگ کا ذاتی منصوبہ نہیں سی پیک آصف زرداری کی مسلسل کاوشوں کا نتیجہ ہے۔ انہوں نے کہا قوم کے پیسوں سے بنائے جانے والے منصوبوں پر سیاست نہ کی جائے۔ موٹروے بنا کر ظاہر کیا جا رہا ہے کہ صحت، تعلیم اور خوراک کے مسائل بھی حل ہو گئے۔ انہوں نے کہا کہ ایسے منصوبوں پر جلد بازی دکھائی جا رہی ہے جس میں لوہے کا استعمال ہو لگتا ہے ان منصوبوں سے اتفاق فاونڈری کو بہت فائدہ ہو گا۔ نواز شریف تین سال میں سندھ کو ایک بھی میگا پراجیکٹ نہیں دے سکے۔ مولا بخش چانڈیو کا کہنا تھا کہ نواز شریف استعفی کے مطالبے پر ناراض نہ ہوں۔ نواز شریف ماضی میں یوسف رضا گیلانی سے روز استعفی کا مطالبہ کرتے تھے۔