Mohammad Ilyas

سرائے عالمگیر(چوہدری آصف سے )قوم کو لوٹ مار کے متعلق جواب نہ دینے کی ضداور ہٹ دھرمی حکمرانوں کو گناہگار ثابت کر تی ہے،چوہدری محمد الیاس۔اپوزیشن کے سات سوال پوری قوم کا مطالبہ ہیں،حکمرانوں کو پانامہ لیکس کے زریعے لگے الزامات کو غلط ثابت کر نے کیلئے پارلیمنٹ میں جواب دینا چاہے مگر ملک وقوم کی دولت لوٹ مار کر نے والے اپنا جواب دینے کی بجائے اُلٹا دوسروں سے سوالات کر رہے ہیں ان خیالات کا اظہار سابق ضلعی صدر و آرگنائزر حلقہ این اے107تحریک انصاف چوہدری محمد الیاس نے میڈیا سے گفتگو کر تے ہوئے کیا انھوں نے کہا کہ حکمرانوں کی میں نا مانو کی رٹ ،ضد اور ہٹ دھرمی ان کو لے ڈوبے گی آخر ایک دن جواب دینا ہی پڑے گا انھوں نے مزید کہا کہ اگر حکمران سچے ہیں اور ملک وقوم سے مخلص ہیں تو پوری پاکستانی قوم کو بتائیں کہ انھوں نے آف شور کمپنیوں میں لگایا جا نے والا پیسہ کہاں سے لیا اور اس کو کیسے ملک سے باہر بھیجا ،مگر وہ سچے نہیں اور نہ ہی ملک وقوم سے مخلص ہیں اسی لئے جواب نہ دینے کی ضد پر اُڑے ہو ئے ہیں