also focus district,

شیخوپورہ(بیورورپورٹ)ڈی پی اوشیخوپورہ سرفراز خان ورک نے ضلع بھر کے پولیس ملازمین کی ویلفئیر اور فلاح وبہبود کے دیگر منصوبوں کی طرح انکے بچوں کی تعلیم و تربیت پر بھی خصوصی توجہ دی ہے اس سلسلہ میں پولیس ملازمین کے بچوں کو خصوصی رعایت کے ساتھ معیاری تعلیم حاصل کرنے کے لیے ضلع شیخوپورہ میں پنجاب گروپ آف کالجز، یونیورسٹیز اور اس کے ذیلی تعلیمی ادارے، الائیڈ سکولز، ریسورس اکیڈمیز اور ایفا سکولز کے ساتھ ایک معاہدہ کیاجس پر ڈی پی او شیخوپورہ سرفراز خان ورک اور ڈائریکٹر پنجاب گروپ آف کالجز(شیخوپورہ ) اسامہ بشیر قریشی نے دستخط کیے۔ جس کے مطابق شہداء پولیس شیخوپورہ کے بچے100%اور بقایا پولیس ملازمین کے بچے 50% فیس رعایت پر تعلیم حاصل کریں گئے۔اس موقع پر موجود ڈی ایس پی سٹی راجہ فخر بشیر ، ڈی ایس پی ٹریفک زاہد عباس،انچارج سیکورٹی میاں منظور، پی آر او واجد عباس اور کالج کادیگر سٹاف بھی موجود تھا۔