Pakistan’s Foreign

پاکستان نے امریکہ سے ڈرون حملے کے خلاف امریکہ سے اپنا احتجاج ریکارڈ کروا دیا ہے :سرتاج عزیز
اسلام آباد (یس اُردو ) بلوچستان میں امریکی ڈرون حملے کے پانچ دن بعد دفتر خارجہ نے ملا اختر منصور کی ہلاکت کی تصدیق تو کردی لیکن تدفین کیے جانے سے انکار کردیا ، سرتاج عزیز کہتے ہیں ملا اختر کی لاش ڈی این اے مکمل ہونے پر ہی حوالے کی جائے گی ۔ محمد ولی ہی ملااختر منصور تھا ؟ بلوچستان کے ڈرون حملے میں طالبان سربراہ ہی نشانہ بنا ؟ امریکی حملے کے پانچ روز بعد پاکستانی دفتر خارجہ نے بھی تصدیق کر دی ۔ ڈرون حملے میں ملا اختر منصور کی ہلاکت کا امریکا نے اعلان کیا ۔ افغان طالبان نے پہلے تردید کی پھر ہلاکت تسلیم کرلی لیکن وزیر داخلہ چودھری نثار کہتے رہے پہلے ڈی این اے کرائیں گے پھر ہی مانیں گے ۔ سرتاج عزیز نے ملا اختر کی ہلاکت کی تصدیق تو کر دی لیکن اس سے انکاری ہیں کہ لاش کسی کے حوالے کی گئی ۔ سرتاج عزیز کا کہنا ہے ملا اختر منصور کی ہلاکت سے امن عمل کو شدید نقصان پہنچے گا اور مذاکرات متاثر ہوں گے ۔