Nadeem Asghar Kaira

لالہ موسیٰ(جمیل احمدطاہر)چیئرمین پاکستان پیپلزپارٹی بلاول بھٹوزرداری کا دورہ میرپورانتہائی اہمیت کا حامل ہوگا،اس سے آزادکشمیرمیں پیپلزپارٹی مزیدمضبوط ہوگی ،ان خیالات کااظہارپاکستان پیپلزپارٹی کے مرکزی راہنماء ممبرصوبائی آرگنائزنگ کمیٹی چوہدری ندیم اصغر کائرہ نے پیپلزپارٹی کے ضلعی ذمہ داران انعام الہٰی بٹ،چوہدری محمداعظم،عبدالرزاق سلیمی،مصطفی گورائیہ،چوہدری رضوان دلدار، وزیرالنساء ایڈووکیٹ،عامرطور،سیدعمران کاظمی،مہرشوکت پرمشتمل وفدسے گفتگوکرتے ہوئے کیا،انہوں نے کہاکہ چیئرمین پیپلزپارٹی بلاول بھٹوزداری کا دینہ ،سوہاوہ میں والہانہ استقبال کرکے ثابت کریں گے کہ ضلع گجرات کے جیالے بھٹوخاندان سے والہانہ محبت اور عقیدت رکھتے ہیں،انہوں نے کہاکہ آزادکشمیرانتخابات میں پیپلزپارٹی ایک بارآزادکشمیرکی بڑی پارٹی کے طورپرسامنے آئے گی اور آزادکشمیرمیں پیپلزپارٹی کی ہی حکومت قائم ہوگی ،انہوں نے کہاکہ گزشتہ الیکشن میں ہمیں آزادکشمیرانتخابات میں کمپین نہیں کرنے دی گئی تھی لیکن اس مرتبہ ہم بھرپورکمپین چلاکرپیپلزپارٹی کے نامزدامیدواروں کو کامیابی سے ہمکنارکریں گے۔