DCO Tariq Arqam

شیخوپورہ(زاہد اعوان)رمضان المبارک ،ربیع الاول اور محرم الحرام بہت بڑے مقدس ماہ ہیں رمضان المبارک میں نماز فجر ، مغرب اور نماز تراویح کے وقت ضلع بھر کی تمام مساجد میں سکیورٹی کے فول پروف انتظامات کیے جائیں گے۔ان خیالات کا اظہار ڈی سی او ارقم طارق اور ڈی پی اوسرفراز احمد خا ن ورک نے ڈی سی او آفس کمیٹی روم میں ضلعی امن کمیٹی کے اجلاس کی صدارت کرتے ہوے کیا ۔اس موقع پر سیکرٹری آر ٹی اے مزمل الیا س ، مولانا مقبول الرحمان ، حاجی محمد طاہر نقشبندی ،قاری عزیز الرحمان عزیز ، حافظ محمد اشفاق گجر ، سید رضا حسین بابر شاہ ، مولانا محمد اشرف، تنو یر حسین کھو کھر ، سید دلشاد ناصر ، رانا محمد اکرم ،شیخ سرفراز نقشبندی ، انچارج سپیشل برانچ سید اظہار الحق کے علاوہ دیگر متعلقہ افسران نے شرکت کی ۔ اس موقع پر ڈی پی او سرفراز احمد خان ورک نے کہا کہ ہمیں اپنے دشمنوں پر نظر رکھنی ہے تا کہ وہ ہمیں نقصان پہنچانے میں کامیاب نہ ہو ۔ اور اپنی صفوں میں اتحاد رکھنا ہے۔ دہشت گرد کا کوئی مذہب نہیں ہے اس کامقصد صر ف اور صرف پیسہ ہے ۔ضلع شیخوپورہ میں امن کمیٹی ممبر ان کے متفقہ فیصلے پر تما م مساجد میں ایک ہی وقت پر اذان اور ایک ہی وقت پر نماز کا ٹائم مقر ر کیا گیا ہے ۔ڈی سی او ارقم طارق نے امن کمیٹی ممبرا ن کے مطالبہ پر ان کو ایک امن کمیٹی آفس دینے کا علان کیا جس پر تما م ممبران نے ڈی سی او ،اور ڈی پی او کا شکریہ ادا کیا ہے ۔اجلاس کے اختتام پر مولانا مقبول الرحمان نے ملکی سلامتی کیلئے خصوصی دعا کی۔