Four and a half

وفاقی وزیر خزانہ اسحاق ڈار آج شام پارلیمنٹ میں نئے مالی سال کا بجٹ پیش کریں گے۔ دنیا نیوز نے سب سے پہلے بجٹ کی خفیہ دستاویزات حاصل کر لیں۔ وفاقی بجٹ کا مجموعی حجم ساڑھے چوالیس کھرب جبکہ خسارہ بارہ سو پچاس ارب روپے ہوگا۔
اسلام آباد: (یس اُردو) مالی سال 17-2016ء کا بجٹ حجم ساڑھے 44 کھرب روپے سے زائد۔ دفاعی اخراجات میں 117 ارب کا اضافہ۔ عوام کیلئے سبسڈی وہی 169 ارب روپے رہے گی۔ دنیا نیوز کو موصول بجٹ دستاویزات کے مطابق دفاع کیلئے 900 ارب، قرضوں اور سود کی ادائیگی کیلئے 1600 ارب رکھے گئے ہیں۔ بجٹ میں ٹیکس سے 3620 ارب اور دیگر ذرائع سے 950 ارب روپے آمدن کا تخمینہ لگایا گیا ہے۔ بجٹ خسارہ بے قابو ہو کر 1250 ارب روپے سے زائد رہے گا۔ نئے مالی سال میں عوام کی سبسڈی کیلئے رقم میں کوئی اضافہ تجویز نہیں کیا گیا اور نئے بجٹ میں اس کیلئے 169 ارب روپے ہی رکھے گئے ہیں۔ بے نظیر انکم سپورٹ پروگرام کے لیے 107 ارب اور تنخواہوں و پنشن کیلئے 615 ارب روپے رکھے گئے ہیں۔