lose by robbers

شیخوپورہ (بیورورپورٹ )شہر کی مین اور ملحقہ شاہراؤں پر ڈاکو راج قائم، شہری ڈاکوؤں کے ہاتھوں لٹنے پر مجبور، پولیس کی کوئی تدبیر روڈ ڈکیتی کی وارداتوں پر قابو پانے میں کارگر ثابت نہ ہوسکی، مانانوالہ کے علاقہ کوٹ وار کے قریب مسلح ڈاکوؤں نے فہیم اور اس کی کار سوار فیملی سے گن پوائنٹ پر ہزاروں روپے نقدی، لاکھوں روپے مالیت کے طلائی زیورات اور موبائل فونز چھین لئے اور فرار ہوگئے، تھانہ فیکٹری ایریا کے علاقہ موٹر وے پل کے قریب دو مسلح ڈاکوؤں نے خاتون نسیم زاہد کی کار گن پوائنٹ پر روک کر اس وقت 60ہزار روپے نقدی اور لاکھوں روپے مالیت کے طلائی زیورات چھین لئے جب وہ لاہور سے اپنے ڈرائیور کے ہمراہ گھر لوٹ رہی تھی۔