Six armed robbers

شیخوپورہ(بیورورپورٹ)تھانہ مانانوالہ کے علاقہ کڑکن روڈ محمد شہزاد سمیت درجنوں راہگیروں سے چھ مسلح ڈاکوؤں نے ڈاکو ناکہ لگا کر ہزاروں روپے نقدی ، موبائل فونز اور دیگر اشیاء چھین لیں، اسی تھانہ کے علاقہ لاگر روڈ گاؤں باٹھ کے قریب دو مسلح ڈاکوؤں نے محمد حفیظ سے 25ہزار روپے نقدی اور دو موبائل فون چھین لئے،اسی تھانہ کے علاقہ لاگرروڈ پر دو ڈاکوؤں نے محمد لطیف سے 43ہزار روپے نقدی، تین موبائل فون اور دیگر سامان چھین لیا ، اسی روڈ پر فاروق آباد کے قریب دو مسلح ڈاکوؤں نے نواز سے چار ہزار روپے نقدی موبائل فون اور نئی موٹر سائیکل چھین لی اور فرار ہوگئے، تھانہ سٹی بی ڈویژن کے علاقہ لاہور روڈ لائیو اسٹاک ہسپتال کے قریب تین مسلح ڈاکوؤں نے زبیر سے نقدی، موبائل فون چھین لیا اور مزاحمت پر اسے شدید تشددکا نشانہ بنایا اور فرار ہوگئے