Euro Cup, defeating

میچ کے دوران دونوں ٹیموں نے ایک دوسرے کے گول پوسٹ پر تابڑ توڑ حملے کیے تاہم فتح فرانس کے حصے میں آئی
سینٹ ڈینس (یس اُردو) یورو کپ کا رنگارنگ تقریب کے ساتھ آغاز ہوگیا ، افتتاحی میچ میں میزبان فرانس نے سنسنی خیز مقابلے کے بعد رومانیہ کو ایک کے مقابلے میں دو گول سے ہرا دیا ۔
دونوں ٹیموں نے ایک دوسرے کے گول پوسٹ پر تابڑ توڑ حملے کیے ۔ تاہم پہلے ہاف تک میچ بغیر کسی گول کے برابر رہا ۔ دوسرے ہاف کا آغاز بھی تیزی سے ہوا ۔ فرانس کے اولیویر جیرو نےستاونویں منٹ میں ہیڈ کے ذریعے گول کر کے اپنی ٹیم کو برتری دلا دی ۔ تاہم یہ برتری زیادہ دیر تک قائم نہ رہی ۔ سات منٹ بعد رومانیہ کے بوگڈان سٹینکو نے پنلٹی کک کے ذریعے گول کرکے مقابلہ برابر کر دیا ۔کھیل کے آخری لمحات میں فرانس کے ڈمٹری پائٹ نے شاندار گول کر کے اپنی ٹیم کو فتح دلا دی ۔ سنسنی خیز مقابلے کو گراؤنڈ میں موجود 80 ہزار سے زائد شائقین نے دیکھا ۔