PCB Shahryar

ان کی عدم موجودگی میں ایگزیکٹو کمیٹی کے سربراہ نجم سیٹھی اور چیف آپریٹنگ آفیسر سبحان احمد بورڈ کے معاملات دیکھیں گے
لاہور (یس اُردو) پاکستان کرکٹ بورڈ کے چیئرمین شہریار خان ایک ماہ کی چھٹیوں پر انگلینڈ روانہ ہو گئے ہیں ۔پاکستان کرکٹ بورڈ میں کافی روز سے افواہیں گردش کر رہی ہیں کہ شہریار خان چھٹیوں سے واپسی پر چیئرمین کے عہدے سے استعفی دے دیں گے۔ اگرچہ وہ خود اس خبر کی تردید کر چکے ہیں ۔واضح رہے کہ ستائیس جون سے آئی سی سی کا اجلاس شروع ہو رہا ہے جس میں شہریار خان بھی شرکت کریں گے ۔ اس سے پہلے بھی گرمیوں میں شہریار خان رخصت پر جا چکے ہیں ۔ ان کی عدم موجودگی میں ایگزیکٹو کمیٹی کے سربراہ نجم سیٹھی اور چیف آپریٹنگ آفیسر سبحان احمد بورڈ کے معاملات دیکھیں گے ۔