gland will play

قومی کرکٹ ٹیم انگلینڈ کے دورے کا باقاعدہ آغاز کل سے کر رہی ہے، ہیڈ کوچ مکی آرتھر کہتے ہیں کہ کُک الیون کو ہرانے کے لئے ایڑی چوٹی کا زور لگانا ہو گا۔
ساؤتھ ایمپٹن: (یس اُردو) شاہین کل سے انگلینڈ کے باضابطہ مہمان بن جائیں گے۔ انگلش میڈیا نے نظریں جما لیں۔ قومی کرکٹرز کا ہیمپ شائر میں تربیتی کیمپ منگل کو اختتام پذیر ہو گا۔ ٹیم پاکستان بدھ کو ٹاؤنٹین روانہ ہو گی۔ مصباح الیون تین جولائی سے سمر سیٹ کے خلاف چار روزہ ٹور میچ کھیلے گی۔ساؤتھ ایمپٹن میں پریس کانفرنس کرتے ہوئے ہیڈ کوچ مکی آرتھر کا کہنا تھا کہ انگلینڈ کو ہوم گراؤنڈ پر شکست دینے کے لئے اچھا کھیلنا ہو گا۔ قومی ٹیم چھ سال کے بعد گوروں کے دیس پہنچی ہے۔ دو ہزار دس میں انگلینڈ نے پاکستان کو ٹیسٹ سیریز میں تین ایک سے شکست دی تھی۔