amily arrived fyruzuala

خانیوال ٹریفک حادثے میں جاں بحق ایک ہی خاندان کے 6 افراد کی لاشیں فیروزوالا پہنچا دی گئی ہیں۔
فیروزوالا: (یس اُردو) فیروزوالا کے علاقہ فیصل پارک کے رہائشی تاج محمد کا خاندان خانیوال میں منگنی کی تقریب میں شرکت کے بعد گزشتہ رات واپس آ رہا تھا کہ ان کی گاڑی سے ٹرک کی ٹکر ہو گئی جس کے نتیجے میں تاج محمد، اعجاز شاہ، حسینہ بی بی، روبینہ، شازیہ، 10 سالہ طیبہ اور ڈرائیور جاں بحق ہو گئے تھے۔ جاں بحق ہونے والی 4 خواتین سمیت 6 افراد کی لاشیں جب فیصل پارک پہنچیں تو علاقے میں کہرام مچ گیا اور ہر آنکھ اشک بار تھی۔