England announces

دورہ انگلینڈ میں پاکستانی ٹیم نے دوسرے ٹور میچ کیلئے محمد عامر، راحت علی اور یاسر شاہ کو آرام دینے کا فیصلہ کیا ہے۔ فاسٹ باؤلر وہاب ریاض، عمران خان اور سپنر ذوالفقار بابر کو حتمی الیون کا حصہ بنایا گیا ہے۔
لندن: (یس اُردو) پاکستان اور سسیکس کا تین روزہ ٹور میچ 8 جولائی سے شروع ہوگا۔ سمرسیٹ کیخلاف پہلا میچ کھیلنے والے محمد عامر، راحت علی اور یاسر شاہ آرام کریں گے۔ دوسرے ٹور میچ کیلئے وہاب ریاض، عمران خان اور سپنر ذوالفقار بابر کو موقع دیا گیا ہے۔ بیٹنگ لائن میں کسی قسم کی تبدیلی نہیں کی گئی ہے۔ لارڈز ٹیسٹ سے پہلے مصباح الحق، محمد حفیظ اور سرفراز احمد کھوئی فارم حاصل کرنے کی کوشش کریں گے۔ پاکستان اور سسیکس کی ٹیمیں پریکٹس میچ کیلئے کاؤنٹی کلب گراؤنڈ ہوو کے میدان پر اتریں گی۔ واضح رہے کہ پاکستان اور سمرسیٹ کا پہلا تین روزہ میچ ڈرا ہو گیا تھا۔