Navjot Singh

کیا آپ جانتے ہیں کہ سابق بھارتی کرکٹر نوجوت سنگھ سدھو کامیڈی پروگرام دی کپل شرما شو کی ہر قسط میں ہنسنے کے کتنے پیسے وصول کرتے ہیں؟
ممبئی: (یس اُردو) سابق بھارتی کرکٹر اور معروف سیاستدان نوجوت سنگھ سدھو کو کون نہیں جانتا۔ سدھو نے جہاں ماضی میں اپنی بلے بازی کے جوہر دکھائے تو آج کرکٹ میچوں کی کمنٹری کا انھیں گرو مانا جاتا ہے۔ آئی پی ایل ہو یا کوئی اور کرکٹ سیریز، نوجوت سنگھ سدھو ہر جگہ اپنی آواز کا جادو بکھیرتے نظر آتے ہیں۔ نوجوت سنگھ سدھو نے کرکٹ سے ریٹائرمنٹ کے بعد عملی سیاست میں بھی حصہ لیا اور رکن اسمبلی بنے۔ گزشتہ کئی سالوں سے ٹیلی وژن ناظرین انھیں مشہور کامیڈی پروگرام دی کپل شرما شو کی میزبانی کرتے دیکھتے ہیں۔ اس شو کی کاسٹ میں کپل شرما، ککو شردا، سنیل گروور اور علی اصغر شامل ہیں۔ ان اداکاروں کی حرکتیں اور مزاح دیکھ کر نہ صرف حاضرین بلکہ نوجوت سنگھ سدھو بھی لوٹ پوٹ ہو جاتے ہیں۔ نوجوت سنگھ سدھو کی شرکت اس شو میں ضروری سمجھی جاتی ہے کیونکہ ناظرین ان کے فی البدیہہ اشعار اور ہنسی کو بھی خوب انجوائے کرتے ہیں۔ لیکن شاید ناظرین کو اس بات کا اندازہ نہیں ہے کہ نوجوت سنگھ سدھو ایک شو میں کام کرنے کے کتنے پیسے وصول کرتے ہیں؟۔ چلیں ہم آپ کو بتاتے ہیں کہ نوجوت سنگھ سدھو کامیڈی پروگرام دی کپل شرماشو کے ایک شو میں شرکت کے تقریبا 8 سے 10 لاکھ روپے وصول کرتے ہیں۔ غیر ملکی جریدے فوربز کے مطابق نوجوت سنگھ سدھو اس وقت کروڑوں کے مالک بن چکے ہیں جس میں ان کی ٹیلی وژن پروگرام کی کمائی کا بڑا حصہ شامل ہے۔