NACTA
نیکٹا کے تحت جوائنٹ انٹیلی جنس ڈائریکٹوریٹ بنانے کی تیاریاں، آئندہ ماہ بھرتیاں شروع ہوں گی۔
اسلام آباد: (یس اُردو) ذرائع کے مطابق انسداد دہشت گردی کے قومی ادارے نیکٹا کے تحت ایک جوائنٹ انٹیلی جنس ڈائریکٹوریٹ تشکیل دینے کا فیصلہ ہوا تھا جس پر عملدرآمد شروع کر دیا گیا ہے۔ پہلے مرحلے میں آئندہ ماہ انٹیلی جنس ڈائریکٹوریٹ کیلئے کنٹریکٹ پر پچاس سے ساٹھ ملازمین بھرتی کئے جائیں گے۔ذرائع کے مطابق مجموعی طور پر ادارے کیلئے چار سو ملازمین بھرتی کئے جائیں گے۔ جوائنٹ انٹیلی جنس ڈائریکٹوریٹ کے لئے انٹیلی جنس اداروں سے فارغ ہونے والے افراد کو ترجیح دی جائے گی۔
