Karachi: 3 killed in firing incidents

کراچی میں فائرنگ کے مختلف واقعات میں تین افراد جاں بحق ہوگئے۔ پولیس نے ایک واقعے میں ملوث ملزم کو گرفتار کرلیا ہے۔

کراچی میں صبح کھارادر پیپر مارکیٹ میں واقع کوثر بیکری پر واردات کے لئے دو ملزمان آئے تو بیکری مالک ممتاز نے اپنے لائسنس یافتہ اسلحہ سے فائرنگ کردی جس سے ایک ملزم زخمی ہوگیا۔ ملزمان نے جوابی فائرنگ کی جس سے بیکری مالک ممتاز اور نجی کمپنی کا سیلزمین اختر جاں بحق ہوگئے۔

پولیس نے زخمی ملزم کی تلاش میں تمام اسپتالوں میں رابطہ کیا تو پتہ چلا سول اسپتال میں فائرنگ کا زخمی ایک شخص آیا ہے۔ پولیس نے سول اسپتال پر چھاپہ مار کر ملزم عبداللہ کو حراست میں لے کر تفتیش شروع کردی ہے۔ پولیس کے مطابق عبداللہ نے واردات کا اعتراف بھی کرلیا ہے۔ ملزم کے ساتھی کی تلاش جاری ہے۔

لانڈھی دو نمبر میں بلدیہ اسکول کے قریب سے سید معراج نامی شخص کی لاش ملی ہے۔ پولیس نے واقعہ کی تحقیقات شروع کردی ہے۔