تھر اور حب میں کوئلے سے 1650 میگاواٹ بجلی پیدا کی جائے گی، ان منصوبوں پر عمل درآمد اور پاور پرچیز کے معاہدوں پر دستخط کردیے گئے ہیں ۔ وفاقی وزیر پانی وبجلی خواجہ محمد آصف کہتے ہیں قحط اور خشک سالی کے لیے مشہور تھر اب توانائی کا مرکز بنے گا۔

1650 MW electricity will generate from coal in Thar and Hub

2019تک بلوچستان کے علاقے حب میں 1320میگاواٹ جبکہ سندھ کے علاقے تھر میں مقامی کوئلے سے 330میگاواٹ کے منصوبے لگیں گے، ان منصوبوں پر لاگت کا تخمینہ ڈھائی ارب ڈالر سےزائد ہے اور یہ سی پیک کا حصہ ہیں۔وفاقی وزیر نے کہا کہ نندی پور پاور پلانٹ430 میگاواٹ بجلی پیدا کر رہا ہے، مئی میں 525میگاواٹ پیدا کرے گا، نئے فرنس آئل ٹریٹمنٹ پلانٹ بھی لگ چکے ہیں، کسی نے دیکھنا ہو تو منصوبے کا دورہ کرا سکتے ہیں ۔ ایک سوال پر وفاقی وزیر نے کہا کہ نیپرا اب وزارت پانی وبجلی کے ماتحت آ یا ہے، مگر پہلے بھی کسی تھانے کے ماتحت نہیں تھا ۔خواجہ آصف نے مزید کہا کہ بھاشا اور مہمند پن بجلی منصوبوں کے لیے ڈیموں کا سنگ بنیاد اسی سال رکھ دیا جائے گا۔