ملتان: وزیراعلی پنجاب شہباز شریف کا کہنا ہے کہ چین پاکستان کے مقاصد کے حصول کیلیے انتہائی مخلص ہے اورسی پیک کے منصوبے ہماری تعلیمی پالیسی پر نظر ثانی مانگتے ہیں۔

China is committed to achieving the objectives of Pakistan, Shahbaz Sharif

ایئر یونیورسٹی ملتان میں منعقدہ تقریب سے خطاب کرتے ہوئے وزیراعلیٰ پنجاب شہبازشریف نے کہا کہ آج جدت اورتحقیق کا دور ہے، ترقی اورخوشحالی کے لیے تعلیم انتہائی ضروری ہے، بہت سے شعبوں میں پاکستانیوں نے عالمی سطح پرنام کمایا ہے، نوجوانوں کومواقع نہ ملے تو پاکستان کیلیے سوالیہ نشان بنا رہے گا۔ ان کا کہنا تھا کہ چین پاکستان کے مقاصد کے حصول کیلیے انتہائی مخلص ہے اورسی پیک کے منصوبے ہماری تعلیمی پالیسی پر نظر ثانی مانگتے ہیں۔ وزیراعلی نے کہا کہ چین دنیا کی دوسری بڑی معاشی طاقت ہے، ہم بہت سے ملکوں سے پیچھے ہیں، عالمی چیلنجز سےنمٹنے کیلیے نوجوانوں کو اعلیٰ تعلیم سے آراستہ کرنا ہوگا جب کہ اعلیٰ اداروں کے بغیر تعلیم کا حصول ممکن نہیں، دنیا کا مقابلہ کرنے کےلیے نوجوانوں کو ہنرمند بنانا ہوگا۔

شہباز شریف نے کہا کہ 20 ارب روپے سے پنجاب ایجوکیشن انڈونمنٹ فنڈ قائم کیا گیا ہے، دانش اسکول برطانیہ کے اسکولوں کے ہم پلہ ہیں اور یہ اسکول خصوصی طور پر جنوبی پنجاب میں بنائے گئے،11 ارب روپے کے وظیفے تقسیم کیے جا چکے ہیں اورپنجاب ایجوکیشن انڈومنٹ فنڈ سے لاکھوں طلبا کی تعلیمی ضروریات پوری کی جاتی ہیں۔