دوبئی: متحدہ عرب امارات کی ریاست میں ڈاکٹرز نے آپریشن کرکے خاتون کے ِپتے میں سے 1600 پتھریاں نکال لیں۔

1,600 gallstones removed from woman’s bile duct

متحدہ عرب امارات کی ریاست ام القوائین میں آپریشن کے بعد خاتون کے ِپتے میں سے 1600 پتھریاں نکال دی گئیں۔ ڈاکٹروں کی ٹیم کے سربراہ کا کہنا تھا کہ ایک گھنٹے تک جاری رہنے والا آپریشن کامیاب رہا اور اس دوران کوئی پیچیدگی بھی پیدا نہیں ہوئی جب کہ نکالی جانے والی پتھریاں مختلف سائز کی ہیں جو کہ لیپروسکوپک آپریشن کے ذریعے نکالی گئی ہیں۔

ڈاکٹر نے کہا کہ خاتوں  کے پیٹ کے اوپر والے حصہ میں ایک سال سے درد تھا تاہم اسپتال سے رجوع کرنے  پر خاتون کے پیٹ اور  ِپتے کا الٹرا ساؤنڈ کیا گیا تو ِپتے میں موجود پتھریوں کے ڈھیر کی نشاندہی ہوئی جس پر خاتون کے فوری  آپریشن کا فیصلہ کیا گیا ۔