سندھ ہائیکورٹ نے آئی جی اے ڈی خواجہ کو عہدے سے ہٹانے سے متعلق حکم امتناع میں توسیع کرتے ہوئے سماعت کل تک ملتوی کردی۔

Extended the removal of the stay order of IG sindh

آئی جی سندھ اے ڈی خواجہ کو ہٹانےسے متعلق کیس کی سماعت سندھ ہائیکورٹ میں ہوئی۔ درخواست گزار کے وکیل فیصل صدیقی عدالت میں پیش نہ ہوئے۔ ساتھی وکیل نے عدالت کو آگاہ کیاکہ فیصل صدیقی بیمار ہیں اس لیے پیش نہیں ہوسکتے۔ دوسری طرف ایڈووکیٹ جنرل سندھ کاکہناتھا کہ یہ اہم ایشو ہے کیس چلایا جائے۔درخواست پولیس رولز کے خلاف دائر کی گئی تھی۔

انہوں نے مزید کہا کہ آئی جی سندھ اور وزیر اعلیٰ کے درمیان ورکنگ ریلشن اچھے نہیں ہیں جس سے صوبے کے معاملات متاثر ہورہے ہیں۔ عدالت نے آئی جی سندھ کو ہٹانے سے متعلق حکم امتناع میں ایک دن کی توسیع کرتے ہوئے ریمارکس دئیے کہ کل سے درخواست کی سماعت روزانہ کی بنیاد پر ہوگی۔عدالت کا مزید کہنا تھا کہ درخواست گزار کے بغیر کیس آگے نہیں بڑھا سکتے۔