کراچی کے مختلف علاقوں میں ٹریفک حادثات میں دو افراد جاں بحق ہوگئے ، جبکہ پولیس نے اورنگی ٹاؤن طور بنگش میں سرچ آپریشن کے دوران 4 ملزمان کو گرفتار کرکے اسلحہ اور منشیات برآمد کرلی۔
Karachi: 2 peoples killed in road accidents
ریسکیو ذرائع کےمطابق کلفٹن بوٹ بیسن کے قریب نامعلوم گاڑی کی ٹکر سے سڑک عبورکرنے والا 30 سالہ سکندرجاں بحق ہوگیا ،حادثے کےذمہ دار ڈرائیور کو پولیس نے حراست میں لیکر بوٹ بیسن تھانے میں مقدمہ درج کرلیا۔
دوسری جانب ٹریفک حادثے میں جاں بحق نوجوان کے اہلخانہ نے پولیس کی جانب سے حادثے کے ذمہ دار ڈرائیور کومبینہ فرار کرانے اور اسکی جگہ کسی اور شخص مقدمے میں نامزد کرنے کے خلاف تھانے کے باہراحتجاج کیا۔ اہل خانہ کے مطابق سکندر کی دوماہ قبل شادی ہوئی تھی۔
ادھرنارتھ کراچی باڑہ مارکیٹ میں بھی ٹریفک حادثے میں ایک نامعلوم شخص دم توڑگیا۔ علاوہ ازیں اورنگی ٹاؤن پولیس نے طوری بنگش کے علاقے میں جرائم پیشہ افراد کی موجودگی کی اطلاع پر سرچ آپریشن کرتے ہوئے 4 ملزمان رحمان،اقبال،نسیم اوراحمد کو گرفتار کرکے ان قبضے سے اسلحہ اورمنشیات برآمد کرلی۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
