پیپلز پارٹی کی خواتین نے مریم نواز کو ناکوں چنے چبوانے کیلئے کمر کس لی، ایم پی اے فوزیہ ملک اور ممبر پروانشیل ویمن ونگ یاسمین فاروق کا این اے 120 کے سیاسی معرکے میں بھر پور کمپین کرنے کا عزم

 لاہور(یس اردو نیوز)پاکستان پیپلز پارٹی کی خواتین نے این اے 120 میں سیاسی میدان سجا لیا، اُمیدوار فیصل میر کی الیکشن مہم کو کامیاب بنانے کے لیے خواتین کارکنوں کاباہمی مشاورت ست بھر پور مہم کے آغازکا عزمظاہر کیا گیا۔اس موقع پر پاکستان پیپلزپارٹی کی خاتون ایم پی اے فوزیہ ملک  نے کہا کہ مریم نواز کو اب عوام میں آنا پڑا ہے تو انہیں احساس ہوا ہے کہ کیا حالات ہیں ٹوئٹر اور فیس بک پر گیدڑ کو شیر کہنے والی کو لوہے کے چنے چبانے پڑیں گے۔ این اے 120 میں بھر پور انتخابی مہم چلائی جائے گی اور پانامہ کے چوروں کو جیل کی ہوا کھانی پڑے گی۔خیپیپلز پارٹی پروانشل ویمن ونگ کی ممبر یاسمین فاروق نے کہا ہے کہ این اے 120 کا انتخابی معرکہ پیپلز پارٹی جیتے گی اور اس کے نتیجے میںہماری پارٹی کا لاہور میں نیا جنم ہوگا اور جمہوریت کو احیا حاصل ہوگا۔ان کا کہنا تھا کہ نواز شریف کرپشن کے الزام میں نا اہل ہو چکے ہیں جبکہ عمران خان کا کو ئی سیاسی مستقبل نہیں ہے اور عوام انہیں ووٹ نہیں دیں گے۔ انہوں نے کہا کہ عام انتخابات میں پاکستان پیپلز پارٹی بھرپور کامیابی حاصل کرے گی ، اور بلاول بھٹو زرداری وزیر اعظم بنیں گے۔ ایم پی اے فوزیہ ملک  نے کہا کہ بلاول بھٹو کی جانب سے بھر پور الیکشن مہم چلانے کی ہدایت کی گئی ہے، پارٹی نظریئے کو مدنظر رکھتے ہوئے پارٹی کارکنوں کے ساتھ مشاورت کا عمل شروع کر دیا گیا ہے، این اے 120 میں پیپلز پارٹی دیگر جماعتوں کو ٹف ٹائم دے گی۔