پیپلزپارٹی کی بنیادیں رکھنے والی لیڈر اور شہید ذوالفقار علی بھٹو کی  سیاست میں بیگم نصرت کا کردار انتہائی اہمیت کا حامل رہاہے، کفایت نقوی

Syed, Kafayat Hussain Naqvi, Senior, Leader, PPP, France

پیرس(ایس ایم حسنین)پاکستان پیپلز پارٹی فرانس کے سینئر راہنما سید کفایت حسین نقوی نے محترمہ نصرت بھٹو کو خراج تحسن پیش کرتے ہوئے کہا کہ وہ بلاشبہ پاکستان پیپلزپارٹی کی بنیادیں رکھنے والی لیڈر تھیں۔ اور شہید ذوالفقار علی بھٹو کی  سیاست میں بیگم نصرت کا کردار انتہائی اہمیت کا حامل رہاہے ۔ذوالفقار علی بھٹو کے وزیر اعظم بننے کے بعد نصرت بھٹو کو 1973 سے 1977 تک خاتون اول کی حیثیت حاصل رہی۔ اس طرح وہ پاکستان کی پہلی غیر ملکی خاتون اول بھی تھیں مگر اس وطن میں جمہوریت کیلئے جو قربانیاں انہوں نے دیں نہ تو آج تک کوئی اور عورت دے سکی ہے اور نہ کبھی دے سکے گی۔ وہ ذوالفقار علی بھٹو کے سیاسی سفر میں ہرقدم پر ان کے ساتھ رہیں اور جنرل ضیاالحق کے ہاتھوں ان کی حکومت کا تختہ الٹنے کے بعد پیش آنے والی مشکلات کا انہوں نے بڑی استقامت اور حوصلے سے مقابلہ کیا۔