واشنگٹن (ویب ڈیسک)لندن پولیس نے ثنا محمد کے قتل کے الزام میں ان کے سابق شوہر، رامنڈی مٹالیگاڈو، کوحراست میں لے لیا ہے ۔ثنا محمد کی عمر پینتیس برس تھی۔ قتل کے وقت وہ آٹھ ماہ کے حمل سے تھیں۔انھیں ایمرجنسی میں ہسپتال لے جایا گیا جہاں ڈاکٹروں نے سیزیرین آپریشن کرکے ان کے

بیٹے کو تو بچالیا مگر ماں کی جان بچانے میں ناکام رہے۔لندن پولیس نے بچے کی حالت خطرے سے باہر بیان کی ہے۔حملہ آور نے پیر کی صبح مشرقی لندن کے علاقے اِلفرڈ میں واقع ان کے گھر میں گھس کر تیر کمان سے ان پر حملہ کیا۔ تیر ان کے معدے میں پیوست ہوگیا۔حملے کے وقت ان کے حالیہ شوہر امتیاز محمد اور پانچ بچے بھی گھر پر تھے۔امتیاز احمد نے روزنامہ ایوننگ سٹینڈرڈ سے بات کرتے ہوئے کہا کہ ‘وہ بہت اچھی بیوی اور ماں تھیں۔ ہمارا سات برس کا ساتھ تھا۔ مجھے بہت صدمہ پہنچا ہے۔ ہم نے جدائی کا سوچا بھی نہیں تھا۔’پچاس برس کے حملہ آور رامنڈی مٹالیگاڈو کو موقع سے ہی گرفتار کر لیا گیا تھا۔ انھیں جمعرات کو عدالت میں پیش کیا جائے گا۔محلہ داروں کے مطابق ثنا نہایت ملنسار اور پیار کرنے والی خاتون تھیں۔پڑوس میں رہنے والی عنبرین زیدی کا کہنا ہے کہ انھیں یہ سب کچھ ہونے کا یقین نہیں آ رہا ہے۔قتل کے محرکات کے بارے میں پولیس نے سردست کچھ نہیں کہا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں
اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔