محترمہ شہید کی برسی پرجیالے چیئرمین بلاول بھٹو کے ساتھ تجدید عہد کیلئے تمام جیالے بے چین ہیں، عبدالستار ملک

پیرس/لالہ موسیٰ(ایس ایم حسنین) پاکستان پیپلز پارٹی فرانس کے مرکزی راہنما عبدالستار ملک نے بی بی شہید کی برسی پر اپنے پیغام میں کہا ہے کہ کائرہ ہائوس پاکستان پیپلز پارٹی وسطی پنجاب کو لاڑکانہ بن چکا ہے ۔ جیالے جوق درجوق کائرہ ہائوس جمع ہورہے ہیں اور چیئرمین بلاول بھٹو زرداری کے ساتھ ایفائے عہد اور  محترمہ شہید بے نظیر بھٹو کے خون کی لاج رکھنے کیلئے تجدید عہد کیلئے بے چین ہیں۔

ان کا کہنا تھا کہ پاکستان پیپلز پارٹی کے جیالے اپنے خون سے گواہی دینے سے گریز نہیں کرینگے اور انشاللہ چیئرمین بلاول بھٹو زرداری کی قیادت میں جمہوری جدوجہد کیلئے قربانیاں دیتے رہینگے۔