Abu Bakr Gondal

پیرس(عمیر بیگ)تحریک انصاف ملک میں انقلابی تبدیلی کا خواب شرمندہ تعبیر کرے گی ،حکمرانوں نے عوامی مشکلات میں اضافہ کیا ہے۔ مسلم لیگ ن ،پیپلز پارٹی اور ق لیگ کے دور حکومت کی پالیسیاں یکساں ہیں عوام حکمرانوں کے وعدوں اور نعروں سے اکتاچکے ہیں‘ ان خیالات کا اظہار پی ٹی آئی فرانس کے رہنما ابوبکر گوندل نے ایک ملاقات میں کیا انہوں نے کہا کہ عمران خان کی قیادت میں استحصالی قوتوں کے خلاف فیصلہ کن جدوجہد کا آغاز ہوچکا ہے قوم نے پی ٹی آئی کے حق میں فیصلہ کرلیا ہے۔ن لیگ نے مشرف کو بیرون ملک بھجواکر سیا ست کا سیاہ باب رقم کیا ۔