ڈھاکہ: لالی ووڈ کی لیجنڈری اداکارہ شبنم کے صاحبزادے رونی گھوش کا کہنا ہے کہ ان کی والدہ کا کوئی سوشل میڈیا اکاﺅنٹ نہیں ہے۔
کچھ روز پہلے سوشل میڈیا ویب سائٹ ٹوئٹر پر اس وقت ماضی کی اداکارہ شبنم اچانک توجہ کا مرکز بن گئیں جب ان کے نام سے منسوب ایک اکاﺅنٹ سے عمران خان کے حق میں تعریفی ٹویٹ کیا گیا۔ اس ٹویٹ کے بعد سوشل میڈیا پر ہنگامہ برپا ہوگیا جبکہ کئی چینلز نے اس کی خبریں بھی چلائیں۔
بی بی سی کے مطابق اداکارہ شبنم سے منسوب یہ اکاﺅنٹ جعلی ہے جس کی ان کے صاحبزادے رونی گھوش نے خود تردید کی ہے۔ رابطہ کرنے پر رونی گھوش نے کہا ’ ’شبنم ان دنوں کافی علیل ہیں اور اس حالت میں نہیں ہیں کہ میڈیا سے بات کرسکیں۔‘ رونی نے اس بات کی سختی سے تردید کی کہ ان کی والدہ نے کبھی ٹوئٹر استعمال کیا اور ‘جھرنا باسک‘ کے نام پر چلائے جانے والے اکاو¿نٹ کا ا±ن کی والدہ شبنم سے کوئی تعلق نہیں ہے۔’رونی گھوش نے مزید کہا کہ ان کی والدہ کا نام استعمال کرنے کے پیچھے ’سیاسی ایجنڈہ ہو سکتا ہے۔’
خیال رہے کہ گزشتہ دنوں پاکستان تحریکِ انصاف کے چیئرمین کے ساتھ فاروق بندیال کی تصویر کے بعد سوشل میڈیا پر شدید تنقید کی گئی۔اس کے نتیجے میں پی ٹی آئی نے فاروق بندیال کی رکنیت معطل کر دی مگر اسی دن ٹوئٹر پر اچانک سے جھرنا باسک کے ہینڈل سے ایک ٹوئٹر اکاو¿نٹ سامنے آیا جس میں عمران خان کی تعریف کی گئی۔ ٹویٹ میں لکھا گیا کہ ‘میں عمران خان کی تعریف کرتی ہوں کہ انہوں نے فاروق بندیال کو اپنی جماعت سے نکال دیا اور پاکستان کے عوام کا شکریہ ادا کرتی ہوں جنہوں نے اس ریپسٹ کے خلاف آواز بلند کی۔ جیتے رہیں۔’ خیال رہے کہ جھرنا باسک پاکستانی سینما پر راج کرنے والی ماضی کی معروف اداکارہ شبنم کا اصل نام ہے جو ان دنوں ڈھاکہ میں اپنے بیٹے کے ساتھ رہتی ہیں۔
