Afghan officials

پاک افغان حکام کے درمیان کامیاب مذاکرات کے بعد پانچ دن سے بند طورخم سرحد کھولنے کا اعلان کر دیا گیا جبکہ طورخم شہر میں کرفیو بھی ختم کر دیا گیا۔
طورخم: (یس اُردو ) دونوں ملکوں کے درمیان مذاکرات کے تیسرے دور کے بعد طورخم سرحد کھولنے کا فیصلہ کیا گیا۔ سرحد آج صبح آٹھ بجے آمد ورفت کےلیے کھول دی جائے گی جبکہ شہر میں نافذ کرفیو بھی ختم کر دیا گیا ہے۔ پانچ روز قبل افغانستان کی طرف سے سرحدی گیٹ پر تعینات پاکستانی سکیورٹی فورسز پر فائرنگ کی گئی تھی۔ جس کے بعد دونوں طرف فائرنگ کا سلسلہ شروع ہوا تھا۔ فائرنگ میں پاکستانی فوج کے ایک میجر شہید اور متعدد شہری زخمی ہوئے تھے۔ حالات انتہائی کشیدہ ہونے کی وجہ سے دونوں طرف آمدورفت معطل ہو گئی تھی۔