لاہور (ویب ڈیسک) شاید ہی کوئی دن ایسا گزرتا ہو، جب میرا کی کوئی خبر میڈیا کی زینت نہ بنے ۔اب میرا نے فیصلہ کیا ہے کہ وہ ایک مرتبہ پھر زیادہ سے زیادہ فلموں میں کام کریں گی، رواں سال انکی دو تین فلمیں سنیما گھروں کی زینت بن گیں ۔ اگلے ہفتے میرا اور معمر رانا کی رومانس سے بھرپور فلم۔سوہنی مہینوال پنجاب بھر کے سنیما گھروں میں ریلیز کی جائے گی، اس کے بعد میرا کی ایک اور زبردست فلم۔باجی۔رواں برس جون میں ریلیز ہوگی۔اس فلم میں نئی نسل کے سپر اسٹار عثمان خالد بٹ اور منجھی ہوئی فن کارہ آمنہ الیاس اہم کردار میں جلوہ افروز ہوں گی، اس فلم کے ہدایت کار ثاقب ملک ہیں ۔میرا نے جنگ سے گفتگو کرتے ہوئے بتایا کہ جب تک فلموں کی رسائی عام فلم بینوں تک نہیں ہوگی ۔سنیما کلچر بحال نہیں ہو گا، انھوں نے کہا کہ انکی ریلیز ہونے والی دونوں فلمیں انڈسٹری کو ایک نیا رخ دیں گی۔میری ساری زندگی پاکستان فلم انڈسٹری میں گزری ہے۔باجی فلم میں میرا کردار سب کو حیران کر دے گا، جب کہ سوہنی مہینوال میں رومانوی کردار کیا ہے۔میں بہت جلد کراچی رہائش پذیر ہو جاوں گی۔اس سلسلے میں تمام تیاریاں مکمل کر لی گئی ہیں
