against Salman Khan

ممبئی……..بھارت کی مغربی ریاست مہاراشٹر کی حکومت نے ممبئی ہائی کورٹ کے اس فیصلے کے خلاف سپریم کورٹ سے رجوع کیا ہے جس کے تحت فلم اسٹار سلمان خان کوہٹ اینڈ رن کیس میں بری کر دیا گیا تھا۔
سلمان خان پر الزام تھا سن 2002 میں رات کو وقت سلمان نشے کی حالت میں گاڑی چلا رہے تھے کہ گاڑی ایک فٹ پاتھ پر چڑھ گئی، جہاں کچھ بے گھر لوگ سو رہے تھے۔اس حادثے میں ایک شخص ہلاک ہوگیا تھا جبکہ 4 کو شدید چوٹیں آئی تھیں۔ذیلی عدالت نے سلمان خان کو مجرم قرار دیتے ہوئے انھیں 5 سال قید کی سزا سنائی تھی لیکن ممبئی ہائی کورٹ نے اپنے فیصلے میں کہا تھا کہ استغاثہ کا یہ دعوی پوری طرح ثابت نہیں ہوسکا ۔عدالت نے انھیں بری کر دیا تھا لیکن مہاراشٹر کی حکومت نے اس فیصلے کو چیلنج کیا ہے اور معاملے کی سماعت آئندہ جمعہ کو ہوگی۔