پاک،افغان سرحد طورخم بارڈر پر انسانی اسمگلنگ گروہ کے خطرناک ملزم کو گرفتار کرلیا ۔افغان شہری 13 جعلی پاکستانی شناختی کارڈ اور 14 اصلی پاکستانی پاسپورٹ کو جسم کے ساتھ چپکا کر لےجارہاتھا۔
Agent of Human trafficking gang arrested from Torkham border
سیکورٹی ذرائع کے مطا بق گرفتار افغان ملزم سے تفتیش کے دوران معلوم ہوا ہے کہ اس گروہ کے 6ملزمان کو پہلے ہی پشاور سے گرفتار کیا جاچکا ہے جبکہ سیکورٹی فورسز کی آج طورخم بارڈر پر دوران چیکنگ انسانی اسمگلنگ کے گروہ کے سربراہ کو گرفتار کرلیا ۔ملزم سے برآمد ہونے والے پاسپورٹ مشین ریڈ ایبل ہیں،جبکہ اس پرلگی ہوئی تصاویر غیرملکی لوگوں کی ہیں ،سیکورٹی ذرائع کا کہنا ہے کہ ممکن ہے کہ ان میں سے کچھ ازبک ،ترکمان اورافغانی بھی ہوسکتے ہے، اس حوالے سے تحقیقات جاری ہیں۔