Ali Chatha AC

لالہ موسیٰ(جمیل احمدطاہر)ڈی سی او گجرات لیاقت علی چٹھہ کا اے سی کھاریاں کے ہمراہ گندم خریداری مرکزلالہ موسیٰ کا اچانک دورہ ،ڈی سی او لیاقت علی چٹھہ نے اتوار کے روز گندم خریداری مراکز لالہ موسیٰ کا اچانک دورہ کیا اور گوداموں کا معائنہ کیا، اے سی کھاریاں ذوالفقار علی باگڑی اور دیگر افسران بھی انکے ہمراہ تھے۔ ڈی سی او نے سنٹر میں گندم کی خریداری، باردانہ کے اجرا ء کے طریقہ کار کا جائزہ لیا اور گندم سٹور کرنیوالے گودام کا بھی معائنہ کیا، انہوں نے گندم خریداری مراکز پر موجود کسانوں سے بھی بات چیت کی اور فراہم کی جانیوالی سہولیات، باردانہ کے اجرا ء کے حوالے سے دریافت کیا۔ ڈی سی او لیاقت علی چٹھہ نے افسران کو ہدایت کی کہ حکومتی ہدایات کے مطابق کاشتکاروں سے گندم کا ایک ایک دانہ خریدا جائے ، انہوں نے واضع کیا کہ مڈل مین کو سنٹرز میں ہر گز داخلے کی اجازت نہیں دی جائے گی۔ انہوں نے ہدایت کی کہ گندم کی فروخت کے لئے آنیوالے کسانوں کو پینے کے لئے پانی، سایہ اور بیٹھنے کے لئے حکومتی ہدایات کے مطابق سہولیا ت فراہم کی جائیں۔ انہوں نے ڈنگہ مرکز کے انچارج کو ہدایت کی کہ گندم کی ان لوڈنگ کے لئے لیبر کی تعداد میں اضافہ کیا جائے نیز گندم کی مناسب طریقے سے سٹوریج یقینی بنائی جائے