سائنسدانوں کی ایک تازہ دریافت کے تحت الزائمر(بیماری)کے علاج کیلئے استعمال ہونے والی دواسے ایسے لوگوں کے دانت دوبارہ نکل آسکتے ہیں جو اس نعمت سے محروم ہوچکے ہوں۔

Alzheimer’s medication can lead to tooth again, experts

ایک رپورٹ میں بتایا گیا ہے کہ دانت بھروانے کے لئے دندان سازکے پاس جانے کی سوچ کسی شخص کو یکایک خوف میں مبتلا کرسکتا ہے لیکن اب ایک نئے مطالعاتی جائزے میں تجویز کیا گیا ہے کہ یہ ہولناک دورے مستقبل قریب میں ماضی کے قصے ہوسکتے ہیں۔اب اس کی بجائے سائنسدانوں نے دانتوں کی خلاء کو پرکرنے کا ایک نیا طریقہ دریافت کرلیاہے جو الزائمر بیماری کے علاج کیلئے استعمال ہونے والی دوا پر انحصار کرتے ہیں۔ماہرین کہتے ہیں کہ انسان کی جانب سے کیلشیم اورسیلیکون سے بنی مصنوعات دانتوں کی خلاء کو عارضی طورپر بھر نے میں مددکرسکتی ہیں لیکن یہ کبھی بھی دانت کو مکمل طورپر بحال نہیں کرسکتی ۔ بہر حا ل ،ٹائیڈگلوسیب،جسے ماضی میں اعصابی خلل کے علاج کے لیے استعمال کیا جاتا تھا ،اب یہ دانتوں کی خلاء کو پرکرنے میں مددکیلئے ایک قدرتی حل کی پیشکش کرسکتی ہے۔