خطرناک اور دشوار گزار راستوں پر ڈرائیونگ کرنا ہر ایک کے بس کی بات نہیں کیونکہ اس میں اکثر افراد مہارت میں کمی کے باعث نہ صرف اپنی گاڑی تباہ کر بیٹھتے ہیں بلکہ اپنی جان بھی گنوا دیتے ہیں۔
ویڈیو میں نظر آنے والے اس ڈرائیور کی مہارت کے تو کیا ہی کہنے کہ جو عمودی چٹان پر جیپ چلاتے ہوئے با آسانی سرے پر پہنچ گیا ہے۔ یہ حیرت انگیز مناظرامریکی رہاست یوٹاہ کے شہر ہُری کین کے سینڈ ہولو اسٹیٹ پارک میں دیکھے گئے جہاں چک کورز نامی خطروں کے کھلاڑی ڈرائیورنے بلندو بالا عمودی چٹان پر چڑھنے کی ٹھانیاور اپنی جیپ چلاتے ہوئے با آسانی چٹان کے سرے پر پہنچ گیا اور اپنے اس کارنامے سے دیکھنے والوں کو دنگ کردیا۔
چند سیکنڈ میں یہ خطرناک کارنامہ انجام دینے کے دوران نہ تو جیپ عمودی راستے پر اُلتی نہ لڑکھڑائی اور نہ ہی ڈرائیور کے قابو سے باہر نکلی۔ ڈرائیور کی مہارت اور ایڈونچر سے بھرپور یہ ویڈیو انٹرنیٹ پر اب تک لاکھوں بار دیکھی جا چکی ہے جس پر جہاں کچھ لوگ ڈرائیور کو سراہ رہے ہیں وہیں کچھ اس کارنامے پر بے یقین ہیں کہ آیا یہ واقعی حقیقت ہے یا ایڈٹنگ کا کمال۔
