Another attack of the enemy

بچہ بچہ دہشتگردی کیخلاف جنگ میں پرعزم ، ہر طرف دہشتگردوں کیخلاف آگ بھڑک اٹھی
لاہور (یس اُردو) دشمن کا ایک اور حملہ ناکام ہو گیا ۔ پورے پاکستان میں زندگی معمول پر ہے ، سکول کالج کھلے ہیں ، قوم کا مستقبل طالبعلم حصول علم میں مصروف ہے ۔ ہمارا بچہ بچہ ہر محاذ پر ، ہر جگہ اور ہر مقام پر دہشت گردوں کا مقابلہ کرنے اور اس کو شکست دینے کیلئے پرعزم ہے ۔ ہر طرف دہشت گردوں کے خلاف نفرت کی آگ بھڑک رہی ہے ۔ بچہ بچہ دہشتگردی کے خلاف جنگ میں پرعزم ہے ، شہر قائد کے طالب علم آج کے دن پہلے سے زیادہ پرعزم ہیں ۔ ملک دشمن کے سامنے کبھی نہ جھکنے کی قسم کھاتے ہیں ۔ پنجاب میں لاہور ہو یا فیصل آباد ، ملتان ہو یا گوجرانولہ ، گجرات سیالکوٹ یا کوئی اور شہر ، کوئی بھی سفاک قاتلوں سے ڈرنے والا نہیں ۔ دہشت گردی اور انتہا پسندی کے خلاف بلوچستان کی مٹی سے اٹھنے والی نفرت یہاں کی نئی نسل کی زباں سے بھی عیاں ہیں ۔ دہشت گردی کا سب سے زیادہ شکار صوبہ خیبر پختون خوا ۔ اس کا جسم چور چور ہے لیکن ہمت ہمالیہ سے بھی بلند ، ہمیں یقین کامل ہے ، دکھ کا موسم بس کچھ دیر اور ہے ، ہماری ہمت رنگ لائے گی ، ایک سہانی اور روشن صبح آنے والی ۔