Anti-Crime Cell uaylynt action, 3 girls rescued

اینٹی وائلینٹ کرائم سیل نے کراچی کے علاقے لیاقت آباد نمبر 10میں کارروائی کی ہے، جس کے دوران سعود آباد سے لا پتہ3 لڑکیاں بازیاب کرالی گئی ہیں۔

ذرائع کا کہنا ہے کہ نویں جماعت کی تینوں طالبات جمعے سے لاپتا تھیں. لڑکیوں کو پوچھ گچھ کے لئے نامعلوم مقام پر منتقل کردیا گیا ہے۔

ذرائع نے بتایا کہ اینٹی وائلینٹ کرائم سیل کی کارروائی میں کوئی گرفتاری عمل میں نہیں آئی ہے اور لڑکیوں کے بیانات قلمبند کرنے کے بعد انہیں علاقہ پولیس کے حوالے کیا جائے گا۔ تینوں لڑکیوں کو مکان سے بازیاب کرایا گیا ہے۔

تینوں لڑکیاں جمعے کے روز اسکول کے اوقات میں لا پتا ہو گئی تھیں۔ پولیس تا حال یہ گتھی سلجھانے میں ناکام ہے کہ لڑکیاں خود گئی تھیں یا انہیں اغوا کیا گیا تھا، تاہم لڑکیوں سے رابطے کے الزام میں 5 نو عمر لڑکے زیر حراست ہیں۔

پولیس کے مطابق لڑکوں کے موبائل فون سے لڑکیوں کے ایس ایم ایس ملے ہیں۔والدین کے مطابق لڑکیاں جمعے کے روز اسکول گئی تھیں، جبکہ اسکول انتظامیہ کے مطابق تینوں لڑکیاں غیر حاضر تھیں۔