ڈی جی خان: لیگی رہنماجمال خان لغاری کی رونگھن آمد پر علاقہ مکینوں نے احتجاج کرتے ان کی گاڑی روک لی۔ سوال کاجواب نہ دے سکنے اور شہریوں کے بار بار استفسارپرجمال لغاری واپس چلے گئے۔

میڈیا رپورٹس کے مطابق لیگی رہنماجمال خان لغاری رونگھن پہنچے تو شہریوں نے ان کی گاڑی روک لی اور احتجاج شروع کر دیا جس پر وہ گاڑی سے باہر آئے اور مظاہرین سے بات چیت کی ۔ان کا کہنا تھا کہ میں یہا ں افسو س کرنے کے لئے آیا ہوں  کوئی ووٹ مانگنے نہیں آیا۔جس پر مظاہرین کی جانب سے کہا گیا کہ 5 سال کہاں تھے؟ تب بھی فوتگیاں ہوتی رہیں ہیں۔اس کے ساتھ مظاہرین نے دیگر مسائل پر بھی سوالات کئے ۔جن کا جمال لغاری جواب نہ دے سکے اور یہ کہتے چلے گئے کہ تم لوگ میرے سوال کا 25جولائی کو جواب دینا ،مجھے بحث نہیں کرنی ۔شہریوں کے احتجاج اور بار بار کے استفسارپرجمال لغاری واپس چلے گئے۔