Areas were incidents

شیخوپورہ( زاہد اعوان)مختلف علاقوں میں سابقہ آشنائی کی بناء پر پانچ دوشیزاؤں کے اغواء کی وارداتیں ہوئیں جن کے پولیس نے مقدمات درج کرکے ان میں ملوث ملزمان کو گرفتار کرنے اور دوشیزاؤں کو بازیاب کروانے کیلئے کوشش شروع کردی ہے ، آبادی سالار ٹاؤن میں محنت کش محمد شہباز کی ہمشیرہ (ث) کو ایک نوجوان اصغر نے اپنے چھ ساتھیوں کی مدد سے اغواء کرلیا، محلہ پیر بہار شاہ میں مقامی شہری محمد مسعود کی بیٹی (الف) کو ایک نوجوان فہد نے اپنے پانچ ساتھیوں کی مدد سے اغواء کرلیا ، آبادی جنڈیالہ روڈ میں مقامی شہری نیاز احمد کی بیٹی (ش) کو نوجوان سرفراز نے اپنے چار ساتھیوں کی مدد سے اغواء کرلیا، لاہور روڈ کی آبادی کوٹ سلیم میں محنت کش مراد علی کی بیٹی (ش) کو ایک نوجوان مشتاق نے اپنے تین ساتھیوں کی مدد سے اغواء کرلیا اور گاڑی میں ڈال کر نامعلوم مقام پر لے گیا۔