سادگی کا ڈھنڈورا پیٹ کر اربوں بچانے کے دعوے کرنیوالے اپنی تجوریاں بھر رہے ہیں عوام کو کوئی ریلیف نہیں ہے، اصغر خان

پیرس (نمائندہ خصوصی) صدر مسلم لیگ ن یوتھ ونگ فرانس اصغر خان نے کہا ہے کہ حکومت سادگی کا ڈھنڈوراپیٹ کر اربوں بچانے کے دعوے کر رہی تھی مگر ابھی تک ان اربوں کو عوام کے کسی منصوبے پر خرچ کیوں نہیں کیا گیا۔ کون تجوریاں بھر رہا ہے۔ یہ حکومت ایک ڈمی بن چکی ہے فیصلے کرنے والے اس کو بری طرح استعمال کر کے اپنا مطلب نکال رہے ہیں ۔

انہوں نے کہا کہ میرے قائد نوازشریف عوام کے بچوں کے مستقبل کی خاطر اپنا آرام چھوڑ کر میدان عمل میں نکلے ہوئے ہیں وہ اکیلے نہیں ہر غیرت مند پاکستانی ان کے ساتھ ہے۔ پیچھے ہٹیں گے نہ ہی ڈیل کریں گے، نواز شریف کی خاموشی زلزلہ آنے سے پہلے والی خاموشی ہے،

انہوں نے کہا کہ اسٹیبلمشمنٹ ان لوگوں کو اقتدار میں لانا چاہتی ہے جو زیادہ مقبول نہ ہوں، جو لوگ عوام میں زیادہ مقبول اور زیادہ کام کرتے ہیں وہ اسٹیبلمشمنٹ کو پسند نہیں۔کیا جس دن پارٹی نے حکم دیا اورہم چل پڑے تو پھر ہمیں کوئی نہیں روک سکے گا ۔انہوں نے کہا کہ عثمان بزدار سے موازنہ وسیم اکرم کی بے عزتی ہے  وسیم اکرم عمران خان سے زیادہ بہترین بولر تھے اور انہیں کی مرہون منت 1992 ورلڈ کپ پاکستان کے نام ہوا۔ یہ بات ہر کرکٹ کی سمجھ بوجھ رکھنے والا ہر انسان بتا سکتا ہے۔