پیرس، پاکستان فیسٹول  کے موقع پر فرانس میں پاکستانی رنگ جمانے کیلئے پاکستانی اورکشمیری کمیونٹی مثالی اتحاد کا مظاہرہ کے، یاسر خان

پیرس؍اسلام آباد(ایس ایم حسنین)  تحریک انصاف فرانس کے مرکزی راہنما یاسرخان نے پاکستانی اورکمشیری کمیونٹی پرزور دیتے ہوئے کہا ہے کہ پاکستان فیسٹول فرانس میں پاکستانی رنگ جمانے کا بہترین موقع ہے اور تمام پاکستانی اورکشمیری مثالی اتحاد کا مظاہرہ کرتے ہوئے اس موقع پر اپنی ثقافت اور زبان کی بہترین عکاسی کرتے ہوئے شریک ہوں۔ کمیونٹی کے اتحاد کو فروغ دینے کیلئے پاکستان فیسٹول فرانس بہترین فورم ہے ۔ تیسرا پاکستان فیسٹول پیرس میں 29ستمبر سے شروع ہوگا۔ جس میں پاکستانی ہر عمر اور ہر شعبے سے تعلق رکھنے والی پاکستانی کمیونٹی کی دلچسپی کا نہ صرف سامان ہے بلکہ   پاکستان فیسٹول فرانس پاکستانی ثقافت کے بہترین اظہار کا ذریعہ ہے۔انہوں نے پاکستانی اورکشمیری کمیونٹی پربھرپور زور دیا ہے کہ وہ فیسٹول میں بھرپور شرکت کو یقینی بنائیں تاکہ پاکستان فیسٹول کی کامیابی کو ہمیشہ کی طرح یقینی بنا یا جائے اور پاکستانی اورکشمیری کمیونٹی اپنے اتحاد کا بہترین مظاہرہ کرے۔