Australia

ساﺅتھمپٹن : انگلینڈ اور آسٹریلیا کے مابین پانچ ایک روزہ میچوں کی سیریز کے پہلے میچ میں آسٹریلیا نے انگلینڈ کو59 رنز سے شکست دے دی۔

ساوتھمپٹن میں کھیلے گئے میچ میں آسٹریلیا نے میزبان انگلینڈ کو فتح کے لیے 306 رنز کا ہدف فراہم کیا تھا۔ جس کے جواب میں انگلینڈ کی پوری ٹیم 46 ویں اوور میں 246 رنز بنا کر آوٹ ہو گئی۔ 306 رنز کے ہدف کے تعاقب میں ہیلز اور رائے نے انگلینڈ کو 70 رنز کا آغاز فراہم کیا، تاہم انگلینڈ کی وفقے وفقے سے وکٹیں گرتی رہیں اور مڈل آرڈر بیٹسمین بڑا سکور کرنے میں ناکام رہے۔

انگلینڈ کی پہلی وکٹ 70 کے سکور پر گری جب ہیلز 22 رنز بنا کر آوٹ ہوئے۔ رائے 67 رنز کے ساتھ ٹاپ سکورر رہے جبکہ ٹیلر 49 رنز بنا سکے۔ ٹی 20 میچ میں جارحانہ کھیل پیش کرنے والے مورگن صرف 38 رنز ہی بنا سکے۔ ان کے علاوہ انگلینڈ کو کوئی بھی بیٹسمین وکٹ پر جم کر نہ کھیل سکا اور سٹوکس 13، بٹلر چار، معین علی 17، عادل راشد 11 اور ووکس بغیر کوئی رنز بنائے پویلین لوٹ گئے۔ انگلینڈ کے آخری آوٹ ہونے والے کھلاڑی فن تھے جو دس رنز بنا کر کمنز کا شکار بنے۔ ویڈ 12 چوکوں کی مدد سے 50 گیندوں پر 71 رنز کے ساتھ اننگز کے ٹاپ سکورر رہے۔

آسٹریلیا کی جانب سے کمنز، مچل سٹارک، کولٹر نائل اور واٹسن نے دو دو وکٹیں حاصل کیں جبکہ مارش اور میکسویل نے ایک ایک کھلاڑی کو آوٹ کیا۔ آسٹریلیا نے میزبان انگلینڈ کو پہلے ایک روزہ کرکٹ میچ میں فتح کے لیے 306 رنز کا ہدف فراہم کیا تھا۔
اس سے قبل مہمان ٹیم نے ٹاس جیت کر پہلے کھیلنے کا فیصلہ کیا تو ابتدائی بلے بازوں نے کپتان کا فیصلہ درست ثابت کیا اور پہلی وکٹ کے لیے برنز اور ڈیوڈ وارنر کی 76 رنز کی شراکت نے آسٹریلیا کو اچھا آغاز دیا۔

اس شراکت کو پاکستانی نڑاد سپنر عادل رشید نے برنز کو 44 کے انفرادی سکور پر اپنی ہی گیند پر کیچ کر کے توڑا۔برنز کے برعکس وارنر نصف سنچری بنانے میں کامیاب رہے۔ انھوں نے 59 رنز کی اننگز کھیلی اور عادل رشید کی دوسری وکٹ بنے۔

کپتان سٹیون سمتھ نے بھی ذمہ دارانہ انداز میں بلے بازی کی اور 44 رنز بنائے۔ انگلینڈ کی جانب سے عادل رشید چار وکٹوں کے ساتھ سب سے کامیاب بولر رہےآسٹریلیا کو تین سو کا عدد پار کروانے میں کلیدی کردار میتھیو ویڈ اور مچل مارش نے ادا کیا جنھوں نے ساتویں وکٹ کے لیے 112 رنز کی ناقابلِ شکست شراکت قائم کی ۔ ویڈ جہاں 12 چوکوں کی مدد سے 50 گیندوں پر 71 رنز کے ساتھ اننگز کے ٹاپ سکورر رہے وہیں مارش نے 40 رنز کی اہم اننگز کھیلی۔

انگلینڈ کی جانب سے عادل رشید چار وکٹوں کے ساتھ سب سے کامیاب بولر رہے جبکہ وڈ نے ایک وکٹ لی۔انگلینڈ نے اس ون ڈے سیریز سے قبل ایشز ٹیسٹ سیریز میں آسٹریلیا کو دو کے مقابلے میں تین میچوں سے ہرایا تھا۔ پانچ ایک روزہ میچوں کی سیریز کا دوسرا میچ پانچ ستمبر کو لارڈز میں کھیلا جائے گا۔