پیرس میں مقیم پاکستانیوں کے مسائل حل کریں گے، نومنتخب صدراوورسیز پاکستانی یونٹی فرانس چوہدری اشفاق جٹ کا عزم
پیرس؍اسلام آباد(ایس ایم حسنین) ممتاز سیاسی وسماجی شخصیت چوہدری اشفاق جٹ نے اوورسیز پاکستانی یونٹی فرانس کے صدر منتخب ہونے پر تمام کمیونٹی کا شکریہ ادا کرتے ہوئے کہا کہ وہ ہر لحاظ سے کوشش کرنا چاہتے ہیں کہ وہ پیرس میں مقیم پاکستانیوں کے مسائل جلد سے جلد حل کروائیں اور اس سلسلے میں حکومت پاکستان اور پیرس میں پاکستانی کمیونٹی کے درمیان پل کا کردار ادا کریں۔ اس حوالے سے وہ پاکستان میں تحریک انصاف حکومت اورپارٹی عہدیداروں سے خصوصی طور پر ان مسائل کی بات کریں گے تاکہ حکومت کے ساتھ بیٹھ کر تمام مسائل کو اجاگر کیا جائے۔
ان کا کہنا تھا کہ اوورسیز میں خصوصی طور پر تنظیمی ڈھانچے کی طرف خصوصی توجہ دی جائیگی تاکہ کمیونٹی کے مسائل بلارکاوٹ ارباب اختیار تک پہنچ سکیں اور ہماری عوام کی مشکلات کا ازالہ کیا جا سکے۔ انہوں نے کہا کہ پیرس میں مقیم کمیونٹی کے مسائل کا ادراک ہے اور مسائل کا جلد از جلد حل تلاش کرنے کیلئے ہنگامی طور پر تمام سٹیک ہولڈرز کیساتھ رابطہ رکھا جائیگا۔
